Skilmálar Hilton Reykjavík Spa

Afbókunarskilmálar


Athugið að ef þarf að afbóka meðferðir í nudd þarf að gera svo með 12 stunda fyrirvara að öðrum kosti greiðist 50% af meðferðinni. Vinsamlegast gerið slíkt í gegnum noona app eða heimasíðu.

Ef slíkt tekst ekki er hægt að hringja í 444 5090 eða senda tölvupóst á spa@hiltonreykjavikspa.is.
 

Viðskiptavinir eru beðnir um að mæta tímanlega í bókaðar meðferðir þar sem seinkun getur haft í för með sér styttri meðferðartíma og þar með skerta meðferð.


Aldurstakmark í spa er 16 ára. Nuddþegar yngri en 18 ára verða að fá samþykki forráðamanns fyrir nuddmeðferð hjá okkur og taka verður fram aldur einstaklings í bókun sé hann yngri en 18 ára.


Samskipta- og siðareglur í nuddi

  • Nudd er snerting og notaðar eru olíur og krem í meðferðum. Hreinlæti er mikilvægt bæði fyrir nuddarann og nuddþega og því er mikilvægt að nuddþegi fari í sturtu fyrir nudd. Hreinlæti virkar á báða bóga og skal nuddari vera hreinn og snyrtilegur. Bæði nuddari og nuddþegi getur tekið ákvörðun um að aflýsa nuddi sé persónulegt hreinlæti ekki ásættanlegt.
  • Nuddþegi skal mæta á biðstofu á réttum tíma, hreinn og í slopp. Nuddherbergi er ekki búningsaðstaða.
  • Stakt nudd er í flestum tilfellum eftir fyrirfram ákveðnu nuddkerfi nema að nuddþeginn óski eftir ákveðnum áherslum í nuddinu (bak, höfuð, fætur o.s.frv.). Ef nuddþegi mætir reglulega í nudd er hann hvattur til að vinna með nuddaranum og deila með honum markmiðum með nuddinu.
  • Áfengi/eiturlyf og nudd eiga ekki saman. Bæði nuddari og nuddþegi skulu halda sig frá áfengi a.m.k. 12 tímum fyrir nuddmeðferð. Ef nuddþegi er á bólgueyðandi lyfjum og verkjalyfjum ætti nuddarinn að fá upplýsingar um slíkt. 
  • Nuddþegi skal sjálfur ákveða hvort hann eða hún sé íklæddur nærfötum. Viðskiptavini er ávallt pakkað inn og aðeins það svæði sem unnið er með er óhulið.
  • Nuddþegar 18 ára og yngri skulu koma í fylgd með fullorðnum og verður foreldri eða forráðamaður að gefa samþykki sitt fyrir nuddinu. Viðskiptavinir mega óska eftir að hafa 3ja aðila hjá sér í nuddi, sé þess óskað. Skal sá aðili þá hlíta reglum um hegðun og samskipti.
  • Hilton Reykjavik Spa er fagleg meðferðarstofa sem fylgir ströngum siðareglum. Trúnaður við viðskiptavini er viðhafður, nema ef um er að ræða athafnir og hegðun sem brjóta í bága við lög.
  • Nudd hjá Hilton Reykjavik Spa er meðferð og á engan hátt kynferðislegs eðils. Kynferðisleg áreitni af hálfu nuddþega eða nuddara, hvort sem er um að ræða athafnir eða orð, er ekki liðin. Ef um óviðeigandi tal, grín eða athugasemdir nuddþega eða nuddara er að ræða er nuddi tafalaust slitið. Meðferð sem er slitið vegna óviðeigandi hegðunar nuddþega skal greiðast að fullu. Alvarleg kynferðisleg áreitni eða árás getur verið kærð til lögreglu.